Adal Archives
Mareegta Adal Archives, waa madal online ah oo luuqado badan ku baxaysa oo u heellan inay ilaaliso, diiwaangeliso, oo kor u qaado taariikh iyo dhaqan ilbaxnimadii Adal. Ilbaxnimada Adal, oo qayb muhiim ah taariikhda Geeska Afrika, waxay leedahay dhaxal qani ah oo mudan in la barto iyo ilaalinteeduba. Mareegtan waxay u adeegi doontaa sidii loo heli laha xarun dhexe, kayd online ah oo ballaadhan agabyo kala duwan oo khaas ah, oo ay ku jiraan:
Dukumentiyada Taariikhiga ah: Tani waxay ka kooban tahay qoraal-gacmeedyo, xarfo, heshiisyo, diiwaannada rasmiga ah, iyo kuwa kale. In la ururiyo agabka aasaasiga ah ee iftiiminaya taariikhda siyaasadeed, bulsho, iyo dhaqaale ee Adal.
Farshaxanka Dhaqanka: Tan waxaa ku jira sawiro, sharraxaadyo, iyo filimyo dhijitaal ah oo fanka Adal, dhismaha, dharka, agabka, iyo dhaqamada kale ee agabka.
Taariikhda afka: Tani waxay ku lug leedahay ururinta iyo soo bandhigida waraysiyo la duubay iyo sheeko Shakhsiyaad xanbaarsan aqoonta dhaqanka iyo hiddaha Adal.
Walxaha kale ee khaaska ah: Tani waa qayb ballaadhan oo ay ku jiraan warbixinnada qadiimiga ah, khariidado, iyo agab kasta oo kale oo gacan ka geysta faham buuxa oo ku saabsanIlbaxnimada Adal.
Mareegta kaydka Adal waxay higsanaysaa inay ka dhigto hiddahan qiimaha leh ee taariikhiga ah iyo dhaqanka mid caalami ah oo ay heli karaan dhagaystayaal, culimo, arday, qurbajooga reer Adal, iyo cid kasta oo danaynaysa taariikhda iyo dhaqanka Geeska Afrika.
Mareegta luuqadaha laga heli karo waxa ka mid ah Somali, English,Carabi, Faransiis, iyo Amxaari.
Asaar
Masjidkii Abasa
Waa dib u dhiska aalada computerka ah ee masaajidka Abasa cilmi baaristii Statehorn ka dib. Injineerada ayaa ka bilaabay sawirada qadiimiga. Magaalada Abasa oo 50 Km dhanka waqooyi ka xigta magaalada Boorama waxay jirtay qarnigii 16aad. Boqorad la odhan jiray Khola ayaa halkaas ka talinaysay. Khola waxay ka mid ahayd dulaankii uu aabbaheed hoggaaminayay ee Saylac. Ciidankii waxaa lagu jabiyay Giriyad, iyadoo loo adeegsanayo xeelad gabadh kale dhigtay. Meesha lagaga adkaaday waxay qaadatay magaca "Ceel Gaal" oo ah qabrigii Gaalada.
Iyadoo awoodi wayday inay dalkooda dib ugu noqdaan oo ciidankii la wiiqay, intii ka badbaaday waxay degeen buuralayda iyagoo isbahaysi la ah dadka deegaanka.
Abaasa
Abaasa (Af-Ingiriis: Abasa), ama Abaaso, waa magaalo qadiimi ah oo ku taal waqooyi-galbeed ee gobolka Awdal. Abaasa waxay qiyaastii 50 km dhanka waqooyi kaga beegan tahay magaalada Boorama ee xarunta gobolka Awdal, waxayna qiyaastii 15 km dhanka bari kaga beegan tahay magaalada Boon ee gobolka Awdal. Waa magaalo dugowday oo dadku intooda badani aanay aqoonin. Imika waa meel iska furan oo waxa iska dhex mara dadka iyo duunyada, intaba. Dadka qaar oo wax ka og jiritaanka magaaladani waxay ku sheegaan in ay ku aasan tahay boqorad sida an hoos ku xusi doono. Bari hore waxa dadka wadada ku safrayaa caada ka dhigteen in ay dhagax ku tuuran taalo halkaa ku taala, sida caadada u ah xabaal ma guurta.
Magaalada Shabeelle
« Talyaanigu waxa uu sameeyey wadada Shabeelle 1941-2dii, si uu iskugu xidho dakada Saylac iyo magaallada Harar. Waxa ayna ahayd wado dhagax ah(Cobblestone) » ~ Cabdi Warfaa( Cabdi Xariir)
Shabeelle waa magaalo qadiim ah, oo dhisnayd qarniyo badan, waxa ay ku taalaa meel u dhaxaysa dhaadhaca buuralayda Ceel-madax(aka Gaalagari), iyo dooxa Harawa, dhulka waxa ay saraysaa 1400m. Waxa ay ahayd magaalo ku taal marinka ganacsi ee isku xidha Saylac iyo Harar, waxaana deganaa dadyow Soomaali, Carab, Hindi, iyo Ahmaaraba ma leh.
“Mareegta Adal Archives, waa madal online ah oo luuqado badan ku baxaysa oo u heellan inay ilaaliso, diiwaangeliso, oo kor u qaado taariikh iyo dhaqan ilbaxnimadii Adal. Ilbaxnimada Adal, oo qayb muhiim ah taariikhda Geeska Afrika, waxay leedahay dhaxal qani ah oo mudan in la barto iyo ilaalinteeduba.”
